انا والواد صاحبي زقزوق

السلام عليكم

أزيكم يا حلوين يارب بخير جميعاً

أول حاجه كدا نصلي على سيدنا وحبيبنا محمد صلى الله عليه وسليم

ونسمي ونقول بسم الله الرحمن الرحيم

بمائن المنتدى جديد فعايزكم تشاركونى المواقف المضحكه دى

وتضحكوا كدا وتفرفشوا معا أحمد

كل مواقفى الى بحرج فيها بتكون بسبب

الواد زقزوق

دا طبعا اسم صديقى وطبعا الاسم لوحده فيه احراج

فلو ناديت عليه فى وسط الناس كنت باضطر اقول

عادى يا جماعه مولود من زمان وعلى ايامه كانت الستات بتتخانق على الاسم دا ض11

المهم زقزوق دا مكنش ممكن يستر فى اى موقف

بس المهم يبعد هو لكن ازاى ممكن يعمل كدا وهو اصلا لسانه كان بيتكلم وبعدين يفكر

دا غير انه لو اتكلم جد يتعب نفسيا

ولو بطل تريقه ثوانى مش بعيد يجيله الضغط وكرشه نفس

وطبعا كلنا عارفين ظروفه واتعودنا منه على كدا

وكل واحد كان بيحاول ميروحش معه فى اى مشوار

لانه عارف انه لازم هيرجع واخد كسفه تظهر من شكله وهو راجع مدلدل ودانه ومطلع لسانه بره

المهم يعنى عشان شكلى سرحت ومش هاختصر فى ليلتى دى

انا وزقزوق حكمت الظروف نبقى شركاء وطبعا لازق فيا كل يوم

وطبيعى كل يوم كان بيحصلى مواقف اطلع فيها من هدومى

او اقعد شويه مع الشيطان وابدء اقتنع بكلامه انى اولع فى زقزوق واخلص

ودا أول موقف حصل معايا وأنا معاه ..

اقتباس:

زقزوق وشنبى

طبعا اى شاب لو وصل لمرحله معينه من السن

بيحس انه راجل بقى ومحدش ليه كلمه او وصايه على تصرفاته

واول بودار الرجوله فى السن دا الشنب

فطبيعى ان عادى جدا ان الواحد مره يربى شنبه ومره يحلقه

والغريبه انه لما يربى شنبه تلاقيه شادد صدره وماشى مكشر كدا

واى حد يكلمه يبقى نفسه يقوله

واخد بالك من شنبى طالع اهو ومرعرع

المهم اخدت قرار انى احلق ذقنى واربى شنبى

سبت الحتيتن اللى كانوا فى ذقنى

لحد ما كبروا كدا وممكن يلاحظهم اى واحد لو بينى وبينه عشره متر

اكتر من كدا هيحس ان فى حد مشخبط على وشى ض1

المهم روحت للمكان اللى كلنا بنقعد فيه وفضلت اقولهم انا رايح احلق ذقنى

الكل بصلى وعادى لكن زقزوق مش ريح روحه

قالى يا ابنى روح اغسل وشك جامد ووفر تمن الحلاقه

تحلق ايه بس

طبعا ولا عبرته وروحت للحلاق قلتله

انا عاوزك بقى تعملى شنب يوقف عليه الصقر

بصلى وبص للشنب وقالى هحاول على قد المواد الخام اللى عندك

بس ياريت تستبعد موضوع الصقر دا

فى الاخر وبعد اقناع ساب شنبى ض5

وطولا ما انا ماشى اى حد يقولى سلام عليكم

لازم اروح اسلم عليه وابوسه وقال يعنى نفسى يقولى شنبك بيشوك

لحد ما وصلت لزقزوق

الكل بص عليا وما اخدوش بالهم الا هو

اول ما شاف المنظر

قالى ومن ايه دا يا اخويا

حد ضربك جامد على قفاك جيه شانبك ضارب لقدام

ولا يمكن الحلاق وهو بيحلق الموس خلص

او حلقلك على قد فلوسك

طب كنت قوله اكتب عليه شنب عشان الناس تعرف

او حتى يحطلك شويه شعر من عنده ولا هو يعنى لازم ياخد الصوف فى كل حلاقه

وكمان هو البعيد مش واخد باله ان شنبك لسه اول طرحه يعنى تقيل من ناحبه وخفيف من ناحيه

يعنى مش بعيد وانت ماشى راسك تميل على جنب

واوعى يكون مش قالك متنمش عليه لحد ما يثبت

طب انت اما حلقت قلتله هاخد لفه

اشوف شكلى بيه واحتمال ارجعلك تانى

ولا استلمت على كدا

عمتا متشغلش دماغك لو مش رضى يشيله هابقى اشيلهولك باستيكه

وطبعا مش ممكن هاقدر اوصفلكم بعد الكلام دا كله منظرى كان عامل ازاى

ورجعت للحلاق قلتله اعمل فيا معروف وشيله

ولسه هاقعد لاقيت الحلاق بيقولى

استنى مش لازم تقعد مش مستاهل

دا الشعر اللى بيطلع على مناخيرى قده مرتين تلاته

ومن يومها عمرى ما ربيت شنبى هههههههههههه

الى اللقاء فى الحلقه التانيه

أحمــد

ومش حالق شنبى
ههههههههههههههه

ههههههههههههههههههههههههههههههههههههههههههههههههه

أنا مش عايز أعرف زقزوق صحبكم دا

والشنب هيبه بردوا